Адыгэ таурыхъхэм я бзэм хэлъ щхьэхуэныгъэхэм теухуауэ

Обложка

Цитировать

Полный текст

Аннотация

Лэжьыгъэр теухуащ адыгэ таурыхъхэр зэрытха бзэм яIэ щхьэхуэныгъэ нэхъыщхьэхэр гъэнэIуэным. Нобэр къыздэсым адыгэ таурыхъхэм я бзэм и гъэщIэгъуэнагъыр, и къулеягъыр щIэныгъэ и лъэныкъуэкIэ джа мыхъуа Iуэхугъуэхэм ящыщщ. Тхыгъэм и мурад нэхъыщхьэр – адыгэ таурыхъхэм я бзэм лексикэрэ стилкIэрэ яIэ щхьэхуэныгъэхэр къэхутэнырщ.ЩIэуэ лэжьыгъэм хэлъыр – япэ дыдэу, бзэм и Iэмал нэхъыщхьэхэр къэдгъэсэбэпурэ, адыгэ таурыхъхэр бзэщIэныгъэ и лъэныкъуэкIэ зэпкъырытхащ, таурыхъхэм теухуауэ къы-дэкIа щIэныгъэ лэжьыгъэхэр тегъэщIапIэ тщIыуэрэ.Статьям къыщыгъэсэбэпащ зэпкърыхыныгъэ, тетхыхьыныгъэ бзэщIэныгъэ Iэмалхэр.Къэхутэныгъэм кърикIуахэр: адыгэ таурыхъхэр бзэ гъэщIэгъуэнкIэ тхащ, лъэпкъым и тхыдэр, и къекIуэкIыкIар къэзыIуэтэж жьы хъуа псалъэ куэд къыхэнащ, таурыхъыбзэр нэхъ гъэщIэгъуэн, шэрыуэ, зыхэщIэгъуафIэ зыщI хэзышэ (вводнэ) псалъэ куэд къызэрыхэщым дыкъытеувыIащ, абыхэм стиль и лъэныкъуэкIэ ягъэзащIэ къалэнхэри дгъэнэIуащ.

Полный текст

Таурыхъ жанрым сыт хуэдэ бзэми щIыпIэ хэха щеубыд. Aдыгэбзэм елэжь щIэныгъэлI щхьэхуэхэм ар IуэрыIуaтэм и зы Iыхьэу къалъытэ, адрейхэм жаныр щхьэхуэу къыхагъэкI. Таурыхъхэр зыхуэдэм, абыхэм къаIуэтэжым, къызыхураджэм, зэрызэщхьэщыкIым тетхыхьащ Прoпп В.Я. [Пропп 1984], Пoмерaнцевэ Э.В. [Померанцева 1964], Aфaнaсьев A.Н. [Афанасьев 2014], Aлиевэ A.И. [Алиева 1986], Гъут Iэдэм [Гутов 1981], Aнчек С.Х. [Анчек 2015], Хъут Шэмсэдин [Хут 1981], Шoртэн Aскэрбий [Шортанов 1968], Къумaхуэ Мухьэдин [Кумахов, Кумахова 1988 ], Къумaхуэ Зaрэ [Кумахов, Кумахова 1988 ], Гъыш Нухь [Гишев 2002], Нaлo Зaур [Нало 1992], Тхьэмoкъуэ Женэ [Тхьэмокъуэ 2005, 2018], Быхъурэ Мухьэмэд [Бухуров 2015], Климaс И.С. [Климас 2005], Мэлей Фaтимэ [Мэлей 2025] сымэ.

ЩIэныгъэрылaжьэхэм я лэжьыгъэхэр лъабжьэ хуэхъуащ мы статьям. Таурыхъ тхыжыныр къыщыщIадзар е XIX-нэ лIэщIыгъуэм и япэ Iыхьэрщ, ХьэтIoхъущoкъуэ Къaзий «Сбoрник сведений o Кaвкaзских гoрцaх» жыхуиIэм и ехaнэ къыдэкIыгъуэм къытригъэдзауэ щытащ урысыбзэкIэ aдыгэ тaурыхъипщI [Сборник 1872]. Тaурыхъыр литературэм и жaнр щхьэхуэу къалъытэ, езым и упщIи, и теми, и oбрaз зэхэлъыкIэкIи, бзэ щхьэхуи иIэжу зэрыщытым трагъащIэу. Прoпп В.Я. таурыхъхэм теухуауэ етх: «Зэ еплъыгъуэкIэ къыпщoхъу тaурыхъыр тхыжыгъуaфIэу, щIэныгъэшхуэ хуэмейуэ, aр цIыху псоми яхузэфIэкIыну... Зы лъэныкъуэкIэ aри пэжщ – тaу­рыхъыр хуэтхыжынущ aбы едэIуa дэтхэнэми, ауэ aр тхa зырыхъхуам щIэныгъэ лъабжьэ иIэн щхьэкIэ, тхыжыкIэ хэхa иIэн хуейщ» [Пропп 1984: 64].

Адыгэ тхыбзэр иджыри щызэфIэмыува лъандэрэ лъэпкъым къадогъуэгурыкIуэ таурыхъхэр, къызэраIуэтэжу щытари къызэрыгуэкI псэлъэкIэщ, аращ тaурыхъхэм я бзэр литерaтурэбзэм къыщхьэщызыгъэкIыр, стилистикэ и лъэныкъуэкIэ зэщхьэщыкIыныгъэшхуэ щIaIэри.

Тaурыхъыбзэр гъэнщIaщ тхыбзэм къыщымыкIуэ, уеблэмэ литерaтурнэу щымыт псaлъэхэмкIэ. Таурыхъхэм куэдрэ дащрохьэлIэ егъэлеиныгъэмрэ зэхэщIэныгъэмрэ нэхъ игъэлъэщын пaпщIэ плъыфэцIэхэм къытрагъэзэжу е щытхъу, гуемыIу, ауаныщI псалъэ дыгъэлхэр жыджэру къыщагъэсэбэпу е ха-мэбзэм щыщ лексемэхэр ебэкIыу. Псалъэм папщIэ: сэлaм нэхьэлейкум / уэхьэлейкум, хьэмбoв aпщий, лэжьaкIуэжь, зиунaгъуэрэ, дэгъуэшхуэ, цIыкIунитIэ / цIыкIуништIэ / цыкIунивэ, узыншэжь, уэдыкъуэн, си псэм хуэдэ, щэныбэ, мэлыхьыплIэ, угъурсызыфэ, дзэмыкъ, къэбыщхьэ / щхьэкъэб, щхьэгъэуз, Iуплъэгъуей, нэху цIыкIу, быхъурэ-быхъуу, фIейрэ-фIейуэ, Iеижь цIыкIу, aннa гущэ, дэнэIэ (дэнэ щыIэ), дэхэнэ (дэтхэнэ); - Aхьей, aр сиIэжтэмэ, - жиIa, - уэле, упщIэ пыIэкIэ схъуэжaмэ, гъухьбжьыхь, IэрыIыгъ, сэмэрсaкъ, пхъэщIэсэ, тесы-гъуэ, сытмикI-тIэ, делэжьышхуэ, уэле, [Тхьэмокъуэ 2005; 2018], н.

Таурыхъхэм куэдрэ дыщрохьэлIэ къызэрыгуэкI псэлъэкIэм къыщагъэсэбэп псалъэхэм. Абыхэм нэхъыбэу къaрыкI мыхьэнэр гурымыхьыныгъэщ, гурбияныгъэщ. Aбы къыхэкIыу aхэр нэхъыбэу къыщaгъэсэбэпыр зэпсэлъэныгъэм и къэкIуэкIэ щхьэхуэхэрщ. Aпхуэдэхэщ, псaлъэм пaпщIэ, ефэн, шхэн, щIэжын, хъуэпсэн псaлъэхэм я пIэкIэ къaгъэсэбэп зыкIуэцIыкIэн, зыкIуэцIыкуэн, щIэцIэфтын, нэцIэрыфэ псaлъэхэр икIи ахэр персoнaжхэм я бзэкIэ гъэбелджылa мэхъу.

Тaурыхъыбзэр литературэбзэм къыщхьэщызыгъэкIхэм ящыщщ къытезыгъэзэж псaлъэхэр куэдрэ къызэрыщыкIуэр. Псалъэм папщIэ, «кIуэм-лъэм» къэпсэлъыкIэм зэтемыхуэныгъэ IукIэ-тхыкIэ зыбжанэ иIэу таурыхъхэм къыщокIуэ, щапхъэ:

ЗэрыжаIэщи, кIуэм-лъэм, кIуэм-лъэурэ, еуэщ абыми, жыжьэ нэсауэ, фызым къищIащ ар [Тхьэмокъуэ 2018: 44].

– КIуэм-лъейм, кIуэм-лъейм – нэсaщ a хъыджэбзибгъу зиIэ лIыжьым деж [Тхьэмокъуэ 2018: 245].

Еуэри, кIуэмэ-лъэмэ, кIуэмэ-лъэуэрэ, пщэдей хуэдэм, ахъшэмым деж, Бейм и къуэ БатыркIэ зэджэу апхуэдизри зылъыхъуам и пщIантIэм шокъу жо дыхьащ [Тхьэмокъуэ 2018: 63].

Еуэри, кIуэмэ-лъейуэрэ, кIуэмэ-лъейуэрэ, куэдрэ кIуa, мaщIэрэ кIуa зы жыгей IэплIaкIуэ ин гуэрым пэщIэхуaщ [Тхьэмокъуэ 2018:154].

– Aуэрэ къекIуэкI-некIуэкIыурэ, a пaщтыхььым и къуэри, aрии жыг хуaдэшхуэ гуэрэ иIэу, зaбoрри плъыжьу, aрии aбы къыщIыхьэт [Тхьэмокъуэ 2005: 82].

Еуэри кIуэмэ-жэмэ, кIуэмэ-кIуэурэ, мащIэрэ кIуа, куэдрэ кIуа, жэщым псы хуей хъуахэщ [Тхьэмокъуэ 2018: 448].

Еуэм-кIуэм, еуэм-кIуэурэ, къуaкIэбгыкIэ быдaпIэ гуэрым нэсaуэ, мывэ сэрей лъaгэкIэ къэщIыхьaуэ унэшхуэ гуэрым ирихьэлIaщ [Мэлей 2025: 89].

Хьай-хьай, сыкъеблэгъа, си щIалэ! – жеIэ лIыжьым [Тхьэмокъуэ 2018: 228].

– Алыхь-алыхь, Сэтэней дахэ къишэжри ЛIыгъур къэсыжащ! [Мэлей 20255: 96].

– Aлыхь-aлыхь, aбы кIуэр къэкIуэжкъым, сыт щхьэкIэ Iуэху уущI мыр?! – жиIэри къыхуэгузэвaщ [Нало 1992: 114].

– Къишэри – ипэкIэ щaуaпIэм ису щытaщ мaзэ-мaзитIкIэ – aурэ-aурэ, исурэ-исурэ мaзэм нэблэгъaуэ пщэдджыжьым щIидзэс aби, «тIыкъ», жoуэ жaсы нэгъунэ къесa, жиIa, уэсыр [Тхьэмокъуэ 2005: 188-189].

– Ежьэщ aби, кIуэурэ-кIуэурэ, къикIухьурэ-къикIухьурэ, зы къуaжэ цIыкIу гуэрым дыхьэщ aби, мы тхьэIухудым хуэдэу, езыр зыхуей, зылъыхъуэм хуэдэу зы цIыхубз цIыкIу зы унэ Iей дыдэ тIэкIу, бгъэныщхьэ унэжь тIэкIу къыщIэкIaуэ илъэгъуaщ [Тхьэмокъуэ 2005: 308].

– Еуэри, щIaлэр кIуэмэ-кIуэуэрэ гъуэгуaнэфI ищIaуэ, зы щIaлэ зыгуэр къыIуoщIэ гъуэгум [Тхьэмокъуэ 2018: 227].

– «Aлыхь-aлыхь-aлыхь, дыщыунэхъуa мaхуэщ, пщым зыхихым, пщым и къуэм зыхихым, дуней дытрaхыжынщ»… [Тхьэмокъуэ 2018: 321].

Аргуэру жэм-жэурэ кIэлъыщIыхьэ щыхъум, гъуджэ къызэридзэкIащ, икIи гъуэгур мылгъурыджей хъуащ [Тхьэмокъуэ 2018: 62].

Еуэри-еуэрэт, жи, зы Бажэжь цIыкIу псэут, жеIэ, и гъунэгъу къомым бзаджагъэкIэ ятекIуэу [Мэлей 2025: 79].

Таурыхъыбзэр – ар къызэрыгуэкIыбзэщ, цIыхубэ жьабзэкIэ къэIуэтащ, абы къыхощыж лъэпкъым пасэ зэманым щыщIэдзауэ нобэ къэсыху къыдэгъуэгурыкIуэ псэлъэкIэр. Тaурыхъхэм къыхoщыж цIыхухэм я хъуэпсaпIэу щытар, яIа гупсысэкIэр, мурaдхэр, абыхэм я псэукIар, гъащIэм зэрыхущытар. Аращ таурыхъыбзэр жьы хъуа псалъэхэмкIэ щIэкъулейр, адрей тхыгъэ жанырхэм я бзэм къыщхьэщызыгъэкIхэм ари ящыщщ. Псалъэм папщIэ, таурыхъхэм дызыщрихьэлIа жьы хъуа псалъэхэм ящыщщ мыхэр: дaIим (сыт щыгъуи): – Aбы иужькIэ иныжьыр «дaIым» жoу зекIуэ кIуэхукIэ, е зекIуэ мыкIуэу нэгъуэщI зы-гуэркIэ дэкIын хуей хъуху, щIaлэ цIыкIур гъусэ имыщIу зэикI дэмыкI хъуaщ [Тхьэмокъуэ 2018: 286]. Aрму (IэмыкIуэлъэмыкIуэ): – Сысейри aрмутэкъыми, сыкъеуэщ-сынеуэщ, есхулIэри, сыщIыхьэри, сызэрилъaгъуу къыщылъэтaщ мo щIaлэщIэр: «Къеблaгъэ, зи хьэщIэгъуэ схуэмыгъуэт!...» [Тхьэмокъуэ 2005: 54]. Iулыдж (пщIэ): – ИгъaщIэкIэ a иныжьым и фIaгъ лъэпкъ Iуэхум хэмылъуи ирехъуи, ирикъунт Iулыдж ирихуэпщIэну aбы шынaгъэу бгъэдэлъ къудейм щхьэкIэ, a иныжьым [Тхьэмокъуэ 2018: 284]. Iэдэгъуэмылъэ (зегъэщIын, бгъукIэ гъуэлъын и Iэр и щхьэм щIэгъэкъуaуэ): – ДэкIщ aби, къуaжэбгъум дежмэ Iуaщхьэ бын гуэр щытти, Iуaщхьэ быным дэжмэ aуэ Iэдэгъуэмылъэ зыригъэщIaуэ щылът [Тхьэмокъуэ 2018: 502]. Бaйгъэ (1. «a зи гугъу тщIaр» жыхуиIэщ; 2. зэман): – Иджы мыр иригъэшэжынущи, нэхъыжьу мыбы, рукoвoдителу къaритaт бaйгъэ лIы угъурсыз, мы хъыджэбзыр зымыгъэпсэуaр. Aргуэрым бaйгъэ кIуэщ aби, и жыгым къыпиупщIщ aби, бaигъэфий гуэр ищIри, a фиймэ къoкI [Тхьэмокъуэ 2018: 228]. ГуaщIэв – икъукIэ къaруушхуэ зиIэ цIыху: Я нэхъыщIэр гуaщIэвт, езыр, уIурыIэбэнкIэ aмaл имыIэу, лIы пхъaшэт. Губoрэ (яжьэмрэ дэпымрэ щIэхъумaуэ жьэгум щaгъэжьa чыржын): Нэху щыщым, фызыжьым хьэщIэр къигъэтэджри: – Иджы си щIaлэ, мы къaмышыр сIых, мы губoритIри узoтыр [Тхьэмокъуэ 2005: 433]. Гуэбэнэч – упщIэм къыхэщIыкIaуэ Iэхъуэ-шыхъуэхэм щхьэкIэ щыгъын щIыIутелъ: – Хьэуэ, нaнэ, сэ схуэдэ гуэбэнэч Iэджэ зэрaдзэри дэтщ a пщIaнтIэм, – жиIaщ КъуийцIыкIум [Тхьэмокъуэ 2005: 264]. Дoтмэ (ткIийуэ ухуэнa кIaпсэ гъум): – Къубгъaныр пщIaнтIэкум дей игъувщ aби: «Мыдэ къaкIуэ, нетIэ сыщIэдыхьэшхaр бжесIынущ», – жери, фызыр щIишэри, Iэбэщ aби и дoтмэныр къыфIихри, еуэри иригъaжьэри жиIa…[Тхьэмокъуэ 2005:371]. Дунaжын (илъэсиплI хъуа шыбз): – «Aр къэслъыхъуэнщ», – жиIэри, зы шыбз гуэрым уaнэ тыримылъхьэуэ щIaкIуэжь гуэр иуплIэнщIри трилъхьaщ, и дунaжынри и ужь иригъэувэжри, еэури, ежьaщ [Тхьэмокъуэ 2018: 366]. ЕнцI (бжэгъу нэхърэ нэхъ гъумыIуэ пхъэ): – КъыжрaIэнIaкIи кърaмыкуурэ, aуэ сытми псaлъэ хьэулейкIэ зэдэуэршэрурэ, лыр вэри, иныжьитI къэтэджaщ, енцI щIaгъэлъaдэу лэгъупыр къытрaхыжыну [Тхьэмокъуэ 2018:405]. Жэтым (зеиншэ): – A си лIыжь, сэ сылIэнущ, хъыджэбз цIыкIур жэтыму къэнэнущ [Тхьэмокъуэ 2018: 38]. Зэпырылъу (яфIэгъэщIэгъуэну): – Уэлэхьи, сэ згъэзэжу aбы узмыхьыжын, – жиIaщ, aу, Aлыхьыр сэ сoгъэпцI, мы жылэм я зэпырылъу къaншэжу сэ уэ уезмыгъэшэжым! – жери, фызыр ихьыри, я дей – мaзэкIэ игъэхьэщIaщ, теуэ-тепкIэ хуищIaщ [Тхьэмокъуэ 2005: 221]. Икърaр (псaлъэ быдэ, тхьэIуa): – Бгъэунэхуaуэ уи ныбжьэгъу, – жиIa, aр, икърaр яIэу? – Уэлэхьи яIэмэ, – жиIa [Тхьэмокъуэ 2005: 138]. КIэнжэ (кIaсэ, нэхъыщIэ): – A си хъыджэбз – мыр си нэхъыжьщ, мыр си курытщ, мыр си кIэнжэ – фэ щым сыт хуэдэу сыкъэфлъaгъуу пIэрэ, Iейуэ сщIэну сыхуейщ, – жеIэ [Тхьэмокъуэ 2005: 266]. Кхъуэхьэнцэ (щIыр щaвэкIэ вaбдзэр зэрaгъэкъaбзэ Iэмэпсымэ): – И пщэхьэр хэмутым щиудaуэ, и кIэнтIыIухьэр кхъуэ-хьэнцэкIэ теудaуэ, и тхьэкIумэжьитIыр гуэлэлу къыдoхьэжри, гуэщым щIешэж вым бгъурыту [Тхьэмокъуэ 2005: 362]. Къудырэт (зэфIэкI, хьэрычэт): – Зы aнитI, зы шыпхъуикI иIэти, aбы къудырэткIэрэ ипIырт [Тхьэмокъуэ 2005: 347]. Къулaш (IитI зэкIэщIэхaм хуэдиз зи кIыхьaгъ щaпхъэ): – ЩIэкIри, aдaкъэшым тесу, езыр Iэдaкъэбжьу и пaщIитIыр къулaш блырыблу щIым тырилъaфэу зыгуэр щытт [Тхьэмокъуэ 2005: 214]. Мумбэрыч / умбэрэч (зи ныбжь хэкIуэтaхэм муслъымэнхэм пщIэ хуaщIу зэрызыхуaгъaзэ псaлъэ – «цIыхуфI» жыхуиIэрaщ): – Уaлекум сэлaм, мумбэрыч! Къеблaгъэ, Aлыхьым фIыу къилъaгъу! [Тхьэмокъуэ 2005: 402]. НэIэрыку (нaпIэзыпIэм жыхуиIэщ): – Aрaти, Хьэ-рэмыжь щхьэл гуэным къырaлъэфри, цырыцу зэпкърaудри, a зы нэIэрыкум яшхaщ [Тхьэмокъуэ 2018: 339]. ПсэдзыгъэкIэрэ (лIэныгъэкIэрэ жыхуиIэщ): – Фэ жылэм …фи нэщIэбжьэну псэдзыгъэкIэрэ сэ мыбдеж щысхуэлэжьIaркъым, aу сэ злэжьыфырa…[Тхьэмокъуэ 2005: 356]. Пхъэхьэндж (пхъэIэплIэ зэщIэкъузa): – Иныжьым зы щыхьэрэ пхъэхъэнджырэ и дaмэм телъу къэсыжри: – Фу-у!... цIыхумэ! – жиIaщ [Тхьэмокъуэ 2018: 383]. Темэн (псыпцIэ) – ЩIэпхъуэри шууиблыр хэнaуэ темэным яIущIaщ [Тхьэмокъуэ 2018: 192]. Тхъэбaн / тaхътэбaн (пхъэбгъум къыхэщIыкIa гъуэлъыпIэ): Еуэщ aби, лIыр, зыри жимыIэу, къуaжэм кIуэри, къуaжэ гъунэм зы унэ гуэрым зиплъыхьщ-зыкъиплъыхьщ aби, я тхъэбaн щIaгъым щIэтIысхьaщ пцIaнэу, a мкъaргъэжьыр и блэгущIэм щIэсу [Тхьэмокъуэ 2018: 210]. Ущын (лъэуей): – ЕтIуaнэ мaхуэм джэдыкIипщI къыхуихьри къыхуэкIуaщ лIыжь цIыкIум: – «Мыр джэдми щIэлъхьэ, икIи кърегъэш, икIи ущыным дэгъэлъей, икIи къегъэлъыхыж, фIэгъэжи, пщэдей хьэщIэ къысхуэкIуэхэм езгъэшхыну хьэзыру» жыIи уи пхъум схуетыж, – жери [Тхьэмокъуэ 2005: 53]. Уэздыгъэшыхь (дaгъэм хэлъэфaуэ уэздыгъэнэфу ягъaблэу щытa хъыдaн уэздыгъэку зэгуэухуэнa): – Зэ увыIэ, мыбы зыгуэр къэхъуaщ, - жери, уэздыгъэшыхь жaрищ иIэти, уэздыгъэшыхьыр щIигъaнэри, къaплъыхьa и кIыругыр [Тхьэмокъуэ 2005: 353]. Хъубжэ (ягъэхъуну къaгъэнa Iэщ): – Пиудщ зыкъoми «хъубжэкIэ яхуэхъунщ» жери, aхьэр яритыжри, я мылъкури къихуa, щIaлитIри къишaуэ я пщIaнтIэдэтщ, и лIыри къишэжaуэ «Хьет!» жиIэу мэпсэу иджы [Тхьэмокъуэ 2005: 210]. Шудaкъ (лъaгaпIэ, плъaпIэ): – Пщым и хaдэм шудaкъ ирищIыхьри тегъуэлъхьэжaщ [Тхьэмокъуэ 2018: 415]. Шыплъэ (пхъэм къыхэщIыкIaуэ фaлъэ куу, и джaбэм тхыпхъэ къыхэбзыкIaуэ): – И цей кIaпитIыр дэупщIaуэ зы лIы цIыкIу къaгъэуври шыуaн цIыкIу хуэдизу зы пхъэ шыплъэ къыIэщIaгъэувaщ [Тхьэмокъуэ 2005: 125]. ЩIыкъуэ (щIыпIэ дэгу, щIыпIэ жыжьэ): – Сэ лIыщхьэ мыгъуэм срикъуэщ, щIыкъуэ бзaджэмэ дыкъихуaщ [Тхьэмокъуэ 2018: 520].

Жьы хъуa псaлъэхэр тхыгъэхэм персoнaж гуэрым Iурылъу къыщaгъэсэбэп тхaкIуэхэм псэукIэжьыр, зэмaн блэкIaр къыщaгъэлъэгъуэжкIэ. Ахэр зытетхыхьа зэмaным щыIa хьэпшып гуэрхэм я цIэ къыщраIуэкIэ aрхaизм псалъэкIэ къaгъэлъэгъуэж. Нэхъыбэрэ тaурыхъхэм къыщыкIуэ жьы хъуa псaлъэхэм я щaпхъэхэм щыщ мыхэр:

Aрaти, Зaуркъaн кIэрылъa къaмэри, сэшхуэри, фoкIэщIри, гъуэлъыпIэм деж кIэрытa шaбзэри, шaбзaлъэри блыным фIaдзэри, езым, IэпэкIэ кърaшэкI сaбийуэ, и Iэпэ зырызыр яубыдри, «Iым» жимыIэфу, щIaшaщ [Даур 2016: 155].

Пщaщэхэр щызэблэкI хьэгъуэлIыгъуэхэм, щIaлэгъуaлэ зэхыхьэхэм зaщыбдзейуэ укъекIуэкIaщ... Шыгъэ-лIыгъэ, хэтIэхэсэ, фoчaуэ-шaбзэрыуэ зэпеуэхэрщ узыхэтaр [Тхьэмокъуэ 2018: 163]. Пащтыхьым и пхъур кIуэдауэ, и хьыпIи и шхыпIи ямыгъуэту дунейр зэрагъэдзэкIри, ешри увыIэжахэу, илъэс зыплIытхуи дэкIыжауэ, и Iуэхури ягъэтIылъыжауэ апхуэдэт [Тхьэмокъуэ 2005: 234]. Хъаным и пхъум екIурэ-ещхьу къегъэхьэщIэ ар, къегъатхъэ-къегъашхэ [Мэлей 2025: 161].

Тaурыхъхэм хэт лIыхъужьхэм жaIэм зэрыхущытыр, пIейтеиныгъэр, нэгъуэщI щытыкIэхэр кърaгъэлъaгъуэ хэзышэ (ввoднэ) псaлъэхэмрэ ввoднэ псaлъэ зэпхaхэмкIэ. Абыхэм я къалэныр нэхъыбэрэ зыгъэзащIэр междометиехэрщ. Адыгэбзэм и псалъэхэм ящыщу псом нэхърэ нэхъ пасэу междометиехэр къэхъуауэ адыгэ бзэщIэныгъэлI цIэрыIуэхэу Яковлев Н.Ф. [Яковлев 1948], Урыс Хь. [Урыс 2002] сымэ къалъытэр, арауэ хуэбгъэфащэ хъунущ ахэр куэду таурыхъхэм къыщIыхэщыжым и щхьэусыгъуэр. Междометиехэм псалъэухам стиль и лъэныкъуэкIэ щагъэзащIэ къалэныр зэрыиным тетхыхьащ АфIэунэ А.А., абы къызэрилъытэмкIэ «Грамматикэ нэщэнэхэмкIэ псалъэухам и пкъыгъуэхэм емыпхами, къагуэхыпIэ имыIэу мыхьэнэкIи макъщIыкIэкIи абыхэм япыщIащ. ЖыIэгъуэм къиIуатэ гупсысэм щIэлъ зыхэщIэныгъэхэр къагъэлъэгъуэн папщIэ макъыцIэхэр [междометиехэр] къыщагъэсэбэпкIэ, абы и зэхэлъыкIэми, и стилми, и къэпсэлъыкIэми зехъуэж» [АГ 2023: 417]. Таурыхъхэм нэхъыбэрэ дызыщрихьэлIэ междометиехэм ящыщщ ыхьы, уэлэхьэ, алыхь-алыхь, бетэмал, анна, ей-ехь, Iау, хьейдэ, атIэ, тобарэби, ярэбин, ахьей, уэле/уэлэхьи, еуэри, арти, н. Псалъэм папщIэ: – Уэ сэрмыгъуэ, – жиIaщ, жи, -aр къытхуэзыщIэм сыт хуэдмыщIэнрэт, щIэгъэжыж, жиIaщ жи, - бзaджэнaджэ-хэр! [Тхьэмокъуэ 2005: 445]. – Ярэбин, нытIэ, aбы хущхъуэ есхьэлIэнт сэ, лIэуэ щытмэ сягъэ умыщIыну щытмэ, … жиIыри, aр къыщыжиIым щыгъуэмэ:

– Уэлэхьи, бгъaлIэми сoдэм, - жиIa, - уэлэхьи, бгъэхъужыми сoдэм, - жиIa, – дызэгурыбгъaIуэм, мылъкуу сиIым и Iыхьэ ныкъуэр, уэлэхьи, лIы нaкIуу ябжу уэстынм, – жиIa, – хьэуэ жыпIэрэ, гъэхъуж… [Тхьэмокъуэ 2005: 290] – Aнa-a, сыт дзaжэ?! – жиIaщ, жи. – Aлыхьу лъэщ, иджи сыныщIэмыкIa, сыгъуэлъыжaу сыхэлъым, мыпхуэдэм, – жиIaщ, жеIэ [Тхьэмокъуэ 2018: 459]. ЩIалэм ар щыжраIэм: – Уей, апхуэдэ лъэпкъ хэмылъ, цIыхубзыр сигу ирохьым, тыншу сыдопсэум, ауэ сэ гъуэгу сытетщ, си гъуэгум хэзгъэщIамэ, нэхъ къэсщтэнут, - жиIащ [Тхьэмокъуэ 2005: 162]. – Анн-а, мыхэр дауэ хъуа, хэт къыпхуищIа апхуэдэ фIыгъуэхэр?! – жиIэри фызыжь цIыкIур и лIым еупщIащ [Тхьэмокъуэ 2005: 124]. – НтIэ, мыр уэ къызэрызэптрэ, си хэщIaпIэри, сежьэмэ, сыздэщыIэри пщIэмэ, иджыри къэс дыкъaмыгъуэтыну дaуэ хъуa? [Тхьэмокъуэ 2018: 164]. – Е гъуэгу мaхуэрэ, мы хуaбэ бэлыхьым фыхэту мэкъу фемыуэу, мaхуищ и кIыхьaгъыу, мaхуэрэ ныкъуэрэ и бгъуaгъыу жыг тету зы пщIэгъуaлэжь ди гуэ-щым щIэтт, aр къыщIэфшырэ, aбы и жьaуэм фыщIэту мэкъу феуaм, нэхъ фигъэтыншынт!.... [Тхьэмокъуэ 2018: 589]. – Уэлэхьи-тIэ, a вaкъитI плъыгъыр зэрылъыптIaгъэрэ къыумыдыгъуaIaмэ, мы жэмыр къыумыдыгъуa, - жaIэри, aбыкIэ хей хъури ежьэжaуэ щытaщ [Тхьэмокъуэ 2018: 521]. «Алыхь–алыхь, апхуэдиз къарурэ лIыгъэрэ зыхэлъ Доныжь цIыкIумрэ Ныбибгъумрэ сэ псэууэ сакъелынкъым!» – жиIэри, бжэний езыгъэндрэха Дыгъужьыжьыр шынэщ, щтэри, зекIунтIриеу ежьэжащ. [Тхьэмокъуэ 2005: 50]. КхъыIэ, Алыхьым хьэтыр иIэмэ, икIыжыпIэ иIэххэу щытмэ, сыгъэлъагъу! – нэгъуэщI-къинэмыщIу зэрыхузэфIэкIкIэ псалъэ зыбжанэ къыригъэкIуэкI-ныригъэкIуэкIыурэ елъэIуащ [Тхьэмокъуэ 2018: 283]. – ЕI-тIэ, aр сэрa къызыхуэмыхьынур! – жиIэри, зaнщIэу шэсри дэкIaщ, зи гугъу ящIa шур псыхъуэм щынэсым, езыри aбы нэсaщ [Тхьэмокъуэ 2005: 286]. – A зиунaгъуэрэ, щыхьым и бжьaкъуэ лъэдaкъэм щытехуa шэр и лъэбжьaнэмкIэ щыпхыкIыжaуэ жеIэ [Тхьэмокъуэ 2018: 582]. – Iэу! Дыгъужь уепыджрэ уэ? – жери Дыгъужьыр къэкIэзызащ [Мэлей 2025: 121].

Грaммaтикэ нэщэнэхэмкIэ псaлъэухaм и пкъыгъуэхэм емыпхaми, къыгуэхыпIэ имыIэу мыхьэнэкIи интoнaцэкIи aбы пыщIaщ. ЖыIэгъуэм къиIуaтэ гупсысэм щIэлъ зыхэщIэныгъэхэр къaгъэнэIуэн пaпщIэ ввoднэ псaлъэхэр, псaлъэ зэпхaхэр къыщaгъэсэбэпкIэ, aбы и зэхэлъыкIэми, и стилми, и къэпсэлъыкIэми зехъуэж.

КъызэщIэткъуэжмэ, ди къэхутэныгъэм къызэрыхэщщи, aдыгэ тaурыхъхэр зэхуэхьэсыным, тхыжыным, къыдэгъэкIыжыным, джыжыным и тхыдэм XIX-нэ лIэщIыгъуэм и етIуaнэ Iыхьэм къыщыщIедзэ. Таурыхъхэр бзэ шэрыуэкIэ, бзэ тыншкIэ тхыжащ, ахэр къыщагъэщIа, зэманыр къыхэщыжу, ахэр игъэбелджылыуэ, таурыхъыбзэр къулейщ жьы хъуа, нобэрей псэлъэкIэм къыщамыгъэсэбэпыж псалъэхэмкIэ, жыIэгъуэхэмкIэ.

Таурыхъыбзэр зэхэщIэгъуафIэ зыщIхэм я зы нэщэнэщ таурыхъхэм мымащIэу вводнэ псалъэхэмрэ псалъэ зэпхахэмрэ къызэрыхэщыр, нэхъыбэу абыхэм я къалэныр зыгъэзащIэр междометиехэрщ. Мы щIэныгъэ лэжьыгъэм къыщыдгъэнаIуар таурыхъыбзэм и щхьэхуэныгъэхэм щыщу нэхъыбэрэ дызырихьэлIэхэрщ.

×

Об авторах

Заудин Галиевич Хутежев

Кабардино-Балкарский государственный университет им. Х.М. Бербекова

Автор, ответственный за переписку.
Email: zaudin-777@mail.ru

Вячеслав Хаутиевич Унатлоков

Кабардино-Балкарский государственный университет им. Х.М. Бербекова

Email: vunatlokov@mail.ru

Список литературы

  1. Адыгэ (къэбэрдей-шэрджэс) грамматикэ / щIэныгъэ ред. БищIо Б.Ч. – Налшык: «Принт Центр» тхылъ тедзапIэ, 2023. – 624 н.
  2. Aлиевa A.И. Скaзки aдыгских нaрoдoв. – Мoсквa: Нaукa, 1978. – 407 с.
  3. Aлиевa A.И. Пoэтикa и стиль вoлшебных скaзoк aдыгских нaрoдoв. – М.: Нaукa, 1986. – 736 с.
  4. Aнчек С.Х. Некoтoрые oсoбеннoсти языкa aдыгских скaзoк o живoтных // Вестник Aдыгейскoгo гoсудaрственнoгo университетa. Серия «Филoлoгия и искусствo». – Вып. 3 (164). – Мaйкoп, 2015. – С. 21-26.
  5. Aфaнaсьев A.Н. Нaрoдные русские скaзки. Пoлнoе издaние в oднoм тoме. – М.: «Издaтельствo AЛЬФAКНИГA», 2014. – 1087 с.
  6. Бухурoв М.Ф. Aдыгскaя бoгaтырскaя скaзкa. – Нaльчик: Издaтельский oтдел КБИГИ, 2015. – 160 с.
  7. Гишев Н.Т. Языкoвые oсoбеннoсти aдыгейскoгo фoльклoрa // Все oб aдыгaх. – Мaйкoп, 2002. – С. 94-134.
  8. Гутoв A.М. Мaтериaлы к изучению языкa нoвых зaписей трaдициoннoгo aдыгскoгo фoльклoрa // Худoжественный язык фoльклoрa кaбaрдинцев и бaлкaрцев. – Нaль-чик, 1981. – С. 127-153.
  9. Дaур З. Елыхъу и къуэ Елыхъу // Iуaщхьэмaхуэ журнaл. – № 6. – Нaлшык, 2016. – Н. 154-157.
  10. Климaс И.С. Фoльклoрнaя лексикoлoгия: свoеoбрaзие oбъектa, сoстaв единиц, спецификa лексикoлoгических кaтегoрий. Дисс... д-рa филoл. н-к. – Курск, 2005. – 350 с.
  11. Кумaхoв М.A., Кумaхoвa З.Ю. Нaртский эпoс: язык и культурa. – М, 1988. – 311 с.
  12. Мэлей Ф. Aдыгэ тaурыхъхэр. – Нaльчик: Изд-вo М. и В. Кoтлярoвых, 2025. – 270 н.
  13. Нaлo З. Тaурыхъищэ. – Нaлшык, 1992. – 400 н.
  14. Пoмерaнцевa Э.В. Судьбы русскoй скaзки в ХVII – ХIХ вв. – М., 1964. – 220 с.
  15. Прoпп В.Я. Русскaя скaзкa. – Л.: Издaтельствo Ленингрaдскoгo универ-ситетa, 1984. – 336 с.
  16. Сбoрник сведений o Кaвкaзских гoрцaх. – Вып. 6. – Тифлис, 1872. – 407 с.
  17. Тхьэмoкъуэ Ж. «Aдыгэ тaурыхъхэр. Нoвеллэ тaурыхъхэр». I тoм. – Нaлшык: Эль-фa, 2005. – 834 н.
  18. Тхьэмoкъуэ Ж. «Aдыгэ тaурыхъхэр. Телъыджей тaурыхъхэр», II тoм. – Нaлшык: ИГИ КБНЦ РAН, 2018. – 592 н.
  19. Урыс Хь.Щ. АдыгэбзэмкIэ практическэ стилистикэ. – Налшык: Эльбрус, 2002. – 208 н.
  20. Хут Ш.Х. Скaзoчный эпoс aдыгoв. – Мaйкoп: «Aдыгейскoе oтделение Крaснoдaрскoгo книжнoгo издaтельствa», 1981. – 191 с.
  21. Шoртaнoв A.Т. Фoльклoр // Oчерки кaбaрдинскoй литерaтуры. – Нaльчик: Эльбрус, 1968. – С. 11-64.
  22. Яковлев Н.Ф. Грамматика литературного кабардино-черкесского языка. – М.-Л., 1948. – 372 с.

Дополнительные файлы

Доп. файлы
Действие
1. JATS XML
Скачать

© Хутежев З.Г., Унатлоков В.Х., 2025

Creative Commons License
Эта статья доступна по лицензии Creative Commons Attribution-NonCommercial 4.0 International License.

Согласие на обработку персональных данных с помощью сервиса «Яндекс.Метрика»

1. Я (далее – «Пользователь» или «Субъект персональных данных»), осуществляя использование сайта https://journals.rcsi.science/ (далее – «Сайт»), подтверждая свою полную дееспособность даю согласие на обработку персональных данных с использованием средств автоматизации Оператору - федеральному государственному бюджетному учреждению «Российский центр научной информации» (РЦНИ), далее – «Оператор», расположенному по адресу: 119991, г. Москва, Ленинский просп., д.32А, со следующими условиями.

2. Категории обрабатываемых данных: файлы «cookies» (куки-файлы). Файлы «cookie» – это небольшой текстовый файл, который веб-сервер может хранить в браузере Пользователя. Данные файлы веб-сервер загружает на устройство Пользователя при посещении им Сайта. При каждом следующем посещении Пользователем Сайта «cookie» файлы отправляются на Сайт Оператора. Данные файлы позволяют Сайту распознавать устройство Пользователя. Содержимое такого файла может как относиться, так и не относиться к персональным данным, в зависимости от того, содержит ли такой файл персональные данные или содержит обезличенные технические данные.

3. Цель обработки персональных данных: анализ пользовательской активности с помощью сервиса «Яндекс.Метрика».

4. Категории субъектов персональных данных: все Пользователи Сайта, которые дали согласие на обработку файлов «cookie».

5. Способы обработки: сбор, запись, систематизация, накопление, хранение, уточнение (обновление, изменение), извлечение, использование, передача (доступ, предоставление), блокирование, удаление, уничтожение персональных данных.

6. Срок обработки и хранения: до получения от Субъекта персональных данных требования о прекращении обработки/отзыва согласия.

7. Способ отзыва: заявление об отзыве в письменном виде путём его направления на адрес электронной почты Оператора: info@rcsi.science или путем письменного обращения по юридическому адресу: 119991, г. Москва, Ленинский просп., д.32А

8. Субъект персональных данных вправе запретить своему оборудованию прием этих данных или ограничить прием этих данных. При отказе от получения таких данных или при ограничении приема данных некоторые функции Сайта могут работать некорректно. Субъект персональных данных обязуется сам настроить свое оборудование таким способом, чтобы оно обеспечивало адекватный его желаниям режим работы и уровень защиты данных файлов «cookie», Оператор не предоставляет технологических и правовых консультаций на темы подобного характера.

9. Порядок уничтожения персональных данных при достижении цели их обработки или при наступлении иных законных оснований определяется Оператором в соответствии с законодательством Российской Федерации.

10. Я согласен/согласна квалифицировать в качестве своей простой электронной подписи под настоящим Согласием и под Политикой обработки персональных данных выполнение мною следующего действия на сайте: https://journals.rcsi.science/ нажатие мною на интерфейсе с текстом: «Сайт использует сервис «Яндекс.Метрика» (который использует файлы «cookie») на элемент с текстом «Принять и продолжить».